Les mots surlignés font l'objet d'une note
1Monsieur, troys jours après vous avoir escript par monsieur d’Aymé,
2madamoysele de Caseneufve m’a envoié cela qu’il vous a pleu
3m’escripre du IIIIe, avec cela que luy avés escript et veu le
4contenu en icele, je luy ey rescript que les plus beles acquisitions
5qu’on scauroit fère c’est de liquider ses biens. Je suys bien èse que
6vous aiés osté ces lons espines de votre pied et de celuy de madame
7de Gordes et me samble que le droit de mesieurs d’Uriaige
8et de madamoiselle de Chans ne debvoit estre grans veu que
9vous en estes quittes pour X mil IIIIc LT. Je loue Dieu du bon
10pourtement de monsieur de Gargas et de sa compaignie.
11Je désiroys d’entendre par mesmes moiens des nouveles de mon
12cadet. Ilia plus de quattre moys que je n’ay aulcunes
13lettres de luy ny nouveles despuys l’arrivée de son frère
14ayné qui ma dit que quant il partit de Paris, il estoit
15à Calais, luy ayant laissé quant il en estoit parti ordre
16pour l’entretènement ou licentiement de sadite compaignye, qu’il
17avoit despuys entendu et sceu à la court estre certain. Je luy
18avoys escript de n’aler point au voiaige de la Floride, de
19quoy l’on parloit pour lhors. Bref je ne scay que c’est que de luy
20qui me tient et sa mère en prier Dieu luy doint ce que
21luy est necessère et à nous s’il luy plaist. Le jour que ledit
22sieur conseillier d’Aymé partit d’icy, monsieur le conte nous
23contremanda tous jusques à nouveau mandement qu’il
24nous feroit par ung de ses lacquey lhors qu’il auroit la
25certeinetté de la venue et arrivé de madame la contesse sa
26famme. J’escrips ung mot de lettre à monsieur de Evènes, que s’il
27vous plaist comenderés s’il est parti quele soient mises à la
28première despeiche que luy ferés. Nous n’avons icy aulcune
29chose digne de vous, despuys mes dernières lettres, qui me
30fera finer cestecy par toutes nos très humbles recomman-
31dations à votre bonne grâce, à cele de madame de Gordes et
32de madamoysele d’Ourches, ma bone et tant saige niepce.
33Je prie le Créateur vous donner
34Monsieur à tous très bone, longue, heureuse et contente vie,
35avec les siennes très sainctes et l’acomplissement des promesses
36que sa magesté vous faict. De La Coste, ce XVIIe de jullet 1572.
37Votre très humble nepveu et affec
38tionné serviteur
39De la coste
40J’escrips ung mot à monsieur d’Anières que s’il vous
41Plaist luy seront rendues si monsieur de
42Menville est home de promesse. Vous
43nous aviés escrips par ce mois d’octobre. Je ne vous puis, pour
44maintenant, offrir plus que ce que j’ay offert à madamoyselle de Caseneuve
45pour ledit propos de Cabanes lofre i est encores comme vous en ferez